وصفات طبيعية .....للبشرة

google_protectAndRun("render_ads.js::google_render_ad", google_handleError, google_render_ad);

*من رايي ان بشرتنا عاملة زى الطفل الرضيع لو مهتمناش بيها هتبوظ ،وتتربى تربية سيئة هتروح للمغذيات الكيماوية زى بالظبط الطفل ده لو ماخدناش بالنا منو هيطلع فاسد ويروح لطرق الفساد المختلفة المهم عشان ماطولش عليكو....
*دى وصفات جبتها من كتاب لجمال البشرة بالطرق الطبيعية ،ومن دون استخدام الطرق الكيماوية المضرة للبشرة (.مجرباها بنفسى ......)
اولا :كلنا عارفين العسل الابيض ....اللى مابيحبهوش لازم يبو بعد اللى هيشوفو من فوايده.
دول خمس فوايد للعسل يلا خد قلم وورقة واكتبى الوصفات دى .....
(1)قناع لصفاء وليونة البشرة:
اخلطى ملعقة عسل مع ملعقة لبن مع ملعقة من قشدة الزبادى وضعى المزيج على الوجه والرقبة والعنق واليدين ،ثم اشطفيه بالماء الدافئ بعد 1\3 ساعة ،ثم مررى قطعة مبللة من ماء الورد على البشرة .
(2)قناع منعش للبشرة:
اخلطى 3 ملاعق عسل مع عصير نصف برتقالة.ثم سخنى المزيج على نار هادئة،حتى يذوب العسل واتركيه حتى يبرد ثم ضعيه على بشرة الوجه دافئا او باردا ودعيه يعمل على بشرتك لمدة 20 دقيقة ثم اشطفيه بماء فاتر .
(3)قناع لمقاومة التجاعيد والجفاف:
اخلطى اربع ملاعق كبيرة دقيق،مع ملعقتين كبيرتين من العسل و3 ملاعق لبن .
امزجى الخليط لصنع عجينة لينة ثم ضعيه على بشرة الوجه والعنق لمدة نصف ساعة واشطفيه بالماء الفاتر.
(4)قناع لازالة الحبوب من الوجه :
اخلطى ملعقتين كبيرتين من العسل مع ملعقة كبيرة زيت لوز ،ودلكى به اطراف باطراف اصابعك الوجه والعنق بحركة دائرية مع تجنب المناطق المحيطة بالعين،وذلك لمدة (5)دقائق ،ثم اتركى المزيج لمدة نصف ساعة على الوجه واشطفيه بالماء الفاتر.
(5)لنعومة الشفتين :
اخلطى 3 ملاعق عسل ،مع نقطتى (ماء حصا لبان)موجود عند العطار يابنات متتخضوش.
ويستخدم هذا المزيج فى دهان الشفتين قبل النوم لتطريتهما قبل النوم ولازالة الجلد الميت منهما .
اتمنى انى اكون قدمت حل لاخطر خمس مشاكل بتعانى منهم البنات .
جربوهم وادعولى .







__________________